header image

Тротоари околу куќата (DIY)

Posted by: sskuka | 10 февруари 2012 | 4 Comments |

При крајот на ноември 2011 повторно во сопствена режија работевме на оплатирање, армирање и бетонирање заштитни тротоари околу куќата. Како што се гледа и од насловот, ова е уште една епизода од повторно серијалот „направи сам“.

Бидејќи при градењето на куќата останаа арматурни прачки со различна должина и димензија на напречниот пресек, а заради економичност при градбата, решивме да ги искористиме за армирање на тротоарите. Затоа на некои слики ќе видите неправилни геометриски форми на арматурата поставена во двата правци. На местата каде што имаше потреба поставивме постелка од чакал на претходно добро набиено тло од глиновито-песоклива почва.

Широчината на тротоарот од куќата изнесува 110 cm, а дебелината од 15-20 cm во зависност од позицијата и падот на теренот.

По оплатирањето и армирањето, сами го работевме и бетонирањето. Се разбира си нарачавме бетон што пристигна во камион-бетономешалка затоа што не беше воопшто рационално и исплатливо сами да го мешаме. За сите тротоари околу куќата потрошивме 8 m3 бетон со марка МБ30. Еве како работевме:

Оплатирање на тротоарите со широчина од 110 cm.

Оплатирање на тротоарите со подолжни летви и колци за фиксирање на летвите.

Ископ до потребната длабочина и широчина и нивелирање на ископот со васер-вага.

Поставување чакал за подобрување на носивоста на тлото.

Поставена арамтура во два правци.

Арматура и напречни летви за добивање фуги. Она што е замоткано со кеса е PVC цевка за одвод на атмосферските води од вертикалните олуци во канализација.

Арматура и напречни летви за добивање фуги.

Арматура и напречни летви за добивање фуги. Бидејќи вертикалните ѕидови на куќата се обложени со битуменски траки за хидроизолација, тие во исто време делуваат како фуга и го одвојуваат тротоарот независно од објектот.

Се е спремно за бетонирање.

Избетониран и извибриран тротоар кај влезните скали. Се забележува одвојување на тротоарот од претходно изведените скали со стиропор со дебелина од 1 cm.

Избетониран тротоар и цевка за олук што поминува под тротоарот.

Избетониран тротоар. Се гледа дека напорно работевме, па не фати мрак.

under: Некатегоризирано

Responses -

Zdravo i bravo za se sto si postiral do sega navistina me ostavi nenaspan ovaa vecer :) Vo eden zdiv gi pogledav slikite i go procitav vnimatelno sekoj detalj od tekstot. Navistina me voodusevi. Dosega ne sum imal moznost nitu vo zivotot moj nitu na nekoj sajt da vidam nacin na rabota na kuka kaj nas. Se gleda deka od merak si go napravil ova, a i deka si blisok so arhitektura i gradeznistvo. Sakam da kazam imas poznavanje. Ubavo e i polesno se spravuvas so predizvikot narecen KUKA. Jas kako laik sevo ova navistina mi trebase bidejki ne startuvam od nula tuku od munus. Za da dojdam do pozitivna nula treba da razberam za site proceduri i postaki za kupuvanje na plac. Izveduvaci, dali montazna ili tvrda gradba, kvalitetni(nekvalitetni) materijali itn. seto toa me ceka vo idnina i da ti kazam uste sega me frka glava. Dokolku poznavas nekoj sajt ili forum sto bi mi pomognal okolu postapka za pravenje kuka te molam informiraj me. Prodolzuvam da te sledam (citam) ke mi bides od korist ponatamu za nasata idna kuka. Pozdrav.

Здраво Игор.
Благодарам за убавите зборови. Токму тоа ми беше и целта кога почнав со блогов, оние кои сакаат да дознаат нешто повеќе околу градењето, да имаат каде да прочитаат и видат.
Препорачувам да го следиш и http://www.build.mk, а особено нивниот форум.

Следи не и понатаму. Поздрав

Ljupco
odlicno mesto za informiranje na site aktivnosti povrzani so gradenje na semejna kuka.
vistinska steta sto ne znaev deka postoi ovoj blog koj mnogu bi mi pomognal vo gradbata. Go prelistav vo eden zdiv i BRAVO za avtorot.Imeno minatat godina napravivme voluzvanje – gradba na semejna kuka koja e so priblizno isti dimenzii 240 m2 stanbena povrsina i momentalno e vo faza na karabina. Se izmaltretiravme so eden kup kvazi arhitekti, nadzor-i, geometri a da ne spomnuvam i ajvan majstori. oci otvaranje luge Na <> ja zavrsivme prvata faza i ke najdeme sili da go prodolzime proektot. Konkretnoto prasanj e povrzano so masinskoto maltarenje :kolku e tolerancijata -poramnuvanjeto na zidovite odnosno za da se postignat pravite agli dali e mozno na edna strana debelina 1 cm sloj a na druga 5 cm so cel da se izednacat dijagonalite na prostoriite koi se propust na na site ciniteli na gradbata a osobeno na iskusniot nadzoren ajvan inzener.
Pozdrav.

Здраво Љупчо,
Благодарам за убавите зборови наменети за овој блог. Се надевам ја постигнуваме целта за која е наменет.
Што се однесува до малтерисувањето, можни се такви интервенции. Се зависи од спецификацијата на производителот на малтер во однос на дозволените дебелини. Обично, дебелината на малтерот за малтерисување се движи околу 10-15 mm. Ако е потребно поголема дебелина, тогаш се врши малтерисување во два слоја (евентуално три), со што првиот слој мора да се назаби, за да има подобар контакт со вториот.
Во твојот случај дебелината од 50 mm ќе бара армирање на слоевите со стаклена мрежичка за да не дојде до пукање и евентуално анкерување на мрежичката во ѕидот.
Не се препорачуваат толку дебели слоеви, затоа што тежината е голема (околу 100 kg/m2 за 50 mm дебелина), па може со тек на време да почне да се одлепува од ѕидаријата.
Размислете дали имате потреба до толку да ги дотерате дијагоналите. Мислам дека најважно од се е како изгледа просторот на око.
Поздрав, па се читаме

Leave a response -

Your response:

Categories